TOUT Puissant Mazembe ya DRC inayojivunia washambuliaji wawili Watanzania, Mbwana Ally Samatta na Thomas Emanuel Ulimwengu inaondoka leo mchana Accra kwenda Mali tayari kwa mchezo wa kwanza wa Nusu Fainali ya Kombe la Shirikisho dhidi ya wenyeji Stade Malien Jumamosi mjini Bamako. 
Baada ya wiki moja ya maandalizi na mazoezi ya mara mbili kwa siku Uwanja wa Lizzy Sports Complex kikosi cha mabingwa hao mara nne Afrika kinaondoka leo kwenda Bamako, kikiwa vizuri kabisa.

Mazoezi ya nguvu; Ulimwengu juu na Samatta chini wakijifua

Nahodha wa Mazembe, Tresor Mputu amesifu kambi ilikuwa nzuri na kwa ujumla yeye na wachezaji wenzake wako tayari kabisa kwa vita ya kugombea tiketi ya fainali ya Kombe la Shirishiko.
“Mechi itakuwa ngumu, lakini tumejiandaa vizuri, tulikuwa tunafanya mazoezi kila siku, ya ufundi na nguvu na kwa ujumla tuko vizuri kuelekea mchezo huo,”alisema Mputu, ambaye kwa sasa yeye na akina Ulimwengu na Samatta ndio tegemeo la mabao la Mazembe.
Amesema lengo lao lao ni kutwaa Kombe la Shirikisho ili kuwapa raha mashabiki wao, baada ya kukosa taji la Ligi ya Mabingwa Afrika.

Kiongozi; Nahodha wa TPM, Tresor Mputu ana matumaini ya ushindi Bamako

Katika kambi yao ya Accra, wapachika mabao wa Tanzania, Samatta na Ulimwengu wameonekana wako fiti kwa kiasi kikubwa kuelekea mchezo huo wa Jumamosi.
Mbali na mechi hiyo ya Bamako, Nusu Fainali nyingine itazikutanisha timu za Tunisia tupu, CA Bizertin na CS Sfaxien ambako mshindi wa hapo atamenyana na mshindi wa jumla kati ya Stade Malien na TP Mazembe.
Mechi za marudiano zitachezwa Jumamosi ya Oktoba 19, Mazemebe wakimalizia nyumbani Lubumbashi.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s